त्रुटिरहित जिम्मेवारी पुरा गर्न एआईजी बज्राचार्यको निर्देशन

उपत्यका प्रहरी कार्यालय रानीपोखरीकी प्रहरी प्रमुख एआईजी किरण बज्राचार्यले जिल्ला प्रहरी परिसर ललितपुरको निरिक्षण गरी निर्देशन दिनुभएको  छ।
निरिक्षणको क्रममा एआईजी बज्राचार्यले कानूनको उल्लंघन गर्ने जो कोही भएतापनी ओहदा नहेरीकन कानूनी दायरामा ल्याउन निर्देशन दिदै कानूनको सहि तरिकाले निर्दयीता पूर्वक कार्यान्वयन गर्दा जस्तो सुकै दवाव आएपनि पछी नहटन निर्देशन दिनुभयो ।

उहाँले विभिन्न अपराधिक र प्रतिबन्धित तत्वहरूले शान्ती सुरक्षामा खलल पार्न सक्ने हुनाले त्यस तर्फ सचेत रहदै शान्ती सुरक्षा मजबुत बनाउन पनि प्रहरी कर्मचारीहरूलाई दिन रात नभनी त्रुटिरहित जिम्मेवारी बहन गर्न समेत निर्देशन दिनु भयो ।