पदको दुरुपयोग गरेको गुनासो बढे सङ्गै घुमुवा प्रहरी हटाइयो
जिल्ला प्रहरी कार्यालय चितवनले सादा पोशाकमा सूचना सङ्कलनका लागि खटाइएका घुमुवा प्रहरी हटाएको छ। ती प्रहरीमध्ये कतिपयले पदको दुरुपयोग गरेको गुनासो बढेपछि छुट्टै विभागको गठन गरेर घुमुवा हटाइएको हो।
कार्यालयमा प्रमुखका रुपमा प्रहरी उपरीक्षक दानबहादुर मल्ल आएपछि सूचना सङ्कलन तथा विश्लेषण शाखा स्थापना गरी घुमुवा प्रहरी हटाइएको हो। मल्लले गुनासो बढेपछि सादा पोशाकका ती प्रहरीलाई हटाएर फरक ढङ्गले प्रहरी परिचालन गरिएको जानकारी दिए।
उनका अनुसार हालै स्थापना गरिएको शाखामा प्रहरी निरीक्षकको नेतृत्वमा विभिन्न पदका १२ जना अनुभवि प्रहरी परिचालन गरिएको छ। उनीहरु यसअघि अनुसन्धानमा खटिइसकेका र अनुभवि रहेको मल्लको भनाइ छ। उनीहरुलाई प्रहरी नायब उपरीक्षकले सुपरिवेक्षण गर्ने व्यवस्था मिलाइएको छ।
क्षेत्र विभाजन गरेर शाखाका प्रहरी खटिने गरेका छन्। खटिएको ठाउँको विस्तृत विवरणसमेत उनीहरुले तयार गर्ने हुँदा काममा समेत छिटो र छरितो हुने गरेको प्रहरी नायब उपरीक्षक एक नारायण कोइरालाले जानकारी दिए। जसका कारण दोषीलाई समयमा म्याद थप गर्न र अनुसन्धान गर्न सहज भएको कोइरालाको भनाइ छ।
प्रमुख मल्लले अहिले जिल्लामा घुमुवा प्रहरी परिचालन नभएकाले त्यसका नाममा पदको दुरुपयोग कसैले गरेमा तत्काल खबर गर्न सार्वजनिक रुपमा आह्वान गरिएको बताए। अहिले गठन गरिएको शाखाले अपराध अनुसन्धान महाशाखाले जस्तै गरी काम गर्ने जनाइएको छ। रासस
अरु समाचार
सेना, नेपाल प्रहरी, सशस्त्र प्रहरीको तलव ब...
सरकारले चालू आर्थिक वर्षमा वृद्धि भएको नयाँ तलबमान यही साउन १ गतेदे...
तपाईंको मास्क खोई ?’ प्रहरीले बाँड्यो ५ ह...
कोभिड-१९ संक्रमणको रोकथाम तथा जोखिम न्यूनीकरणका लागि नेपाल प्रहरीद्...
मृतावस्थामा भेटिए विपी क्यान्सर अस्पतालका ...
विपी कोइराला मेमोरियल क्यान्सर अस्पताल भरतपुरमा कार्यरत एक कर्मचारी...
पचास वर्षपछि सशस्त्र गुल्मको जिम्मा महिला ...
पचास वर्षपछि नेपाल प्रहरीअन्तर्गत रहेको सशस्त्र प्रहरी गुल्मको जिम्...
कोरोनाबारे सचेतना जगाउँदै प्रहरी
हिमा गाउँपालिका जुम्लामा अप्रत्यासित रुपमा कोरोना सङ्क्रमितहरु बढ्द...
कारागारका एक कैदीको मृत्यु
दाङकाे तुलसीपुर कारागारका एक कैदीको आज मृत्यु भएको छ । ठगी मुद्दामा...
नवजात शिशु मृत फेला
चितवनको भरतपुर महानगरपालिका–२९ स्थित १७ किलोमा एक नवजात शिशु मृत फे...
वीरगञ्ज कारागारका एक थुनुवा बन्दीको मृत्यु
वीरगञ्ज कारागारका एक जना थुनुवा बन्दीको मृत्यु भएको छ । वीरगञ्ज महा...