कुवेतमा एक वर्षकाे अवधिमा ४२ जना नेपाली कामदारहरूको मृत्यु

एक वर्षकाे अवधिमा कुवेतमा काम गर्न गएका मध्ये ४२ जना नेपाली कामदारहरूको मृत्यु भएको छ ।

नेपाली दूतावास कुवेतका अनुसार सन् २०१९ को एकवर्ष अवधिमा मृत्यु हुने मध्ये ३१ जना पुरुष तथा ११ जना महिला रहेका छन् । सबैभन्दा धेरै १५ जनाको हृदयघातका कारण मृत्यु भएको र पाँच जनाको सडक दुर्घटनाका कारण मृत्यु भएको दूतावासले जनाएको छ ।

त्यसैगरी आगलागी तथा कार्यक्षेत्रमा भएको अन्य दुर्घटनाका कारण सातजना, गम्भीर बिमारीका कारण चार जना, चक्कु प्रहारबाट एक जना र अन्य कारण सातजना नेपाली कामदारहरूकाे कुवेतमा मृत्यु भएको छ ।

त्यसैगरी कुबेतमा तीनजना नेपाली कामदारहरूले आत्महत्या गरेको पनि दूतावासले जनाएको छ।