भिआइपी बाल यौन दुराचारी

नेपाली बालकलाई ललाई फकाई विभिन्न प्रलोभनमा पारी बाल यौन दुराचार गर्ने एक क्यानेडियन नागरिक पक्राउ परेका छन्।

प्रहरीले विषेश सूचनाको आधारमा शनिबार बिहान साढे ६ बजे काभ्रेपलान्चोक, मण्डन देउपुर नगरपालिका १ स्थित चिलकाजी महर्जनको घरबाट ६० वर्षिय क्यानेडियन नागरिक पेटेर जोन डाल्गिसलाई पक्राउ गरेको हो।

उनले बन्धक बनाइ राखेका १२ र १४ वर्षका २ नेपाली पीडित बालकलाई उद्दार गरेको प्रहरीले जनाएको छ।

प्रहरीले पक्राउ परेका पेटेलाई बाल यौन दुराचार अपराध मुद्दा अन्तर्गत अनुसन्धान थालेको छ।

पेटरले नेपालमा बिगत २ बर्षदेखि हिमालय कम्युनिटी पाउन्डेशन नामक संस्था सञ्चालन गरी गरिब तथा विपन्न समुदायलाई शिक्षा र खानेपानीमा सहयोग गर्ने गरेको र ती समुदायका बालकलाई पढाईदिने, बिदेश घुमाईदिने, ठूलो भएपछि जागिर लगाईदिने भन्दै समाजसेवीको आवरणमा स-साना वालकहरूलाई यौन शोषण गर्ने गरेको प्रहरीले अनुसन्धानबाट पत्ता लगाएको छ।

पीटरले नेपालमा बिगत २ वर्षदेखि हिमालयन फाउन्डेशन संचालन गरी गरिव तथा विपन्न समुदायलाई शिक्षा र खानेपानीमा सहयोग गर्ने गरेको थिए ।

उनी युद्भ पीडित वालवालिका, कामदार वालवालिका तथा सडक वालवालिकाका लागि नेतृत्वदायी भूमिका निर्वाह गर्ने गरेको, ३ वटा मानार्थ बिध्यावारिधि प्राप्त गरेको, युएन ह्वाबीट्याट अफगानिस्तानमा काम गरेका ब्यक्ति हुन्।

डब्लुएचओमा सिनियर अरबान एडभाइजरको रुपमा लाइबेरिया र डब्लुएफओ डार्फरमा समेत उनले काम गरेका थिए। उनले क्यानडाको सरकारबाट ३ वटा उच्च पदकसमेत पाएका छन् ।