गृह मन्त्रालयले माग्यो झन्डै २ हजार कर्मचारी

गृह मन्त्रालय मातहतको राष्ट्रिय परिचयपत्र तथा पञ्जीकरण विभागले करार पदपूर्तिका लागि विभिन्न पदमा गरी झन्डै २ हजार जना कर्मचारी माग गरेको छ ।

विभागले राजपत्र अनंकित प्रथम श्रेणी (नासु) सरह एमआईएस अपरेटर पदका लागि ९ सय ९४ जना कर्मचारी माग गरेको हाे । यस्तै, राजपत्र अनंकित द्वितीय श्रेणी (खरिदार) सरहत फिल्ड सहायक पदमा ९ सय ९५ जना कर्मचारी माग गरेको छ ।

इच्छुकहरूले अनलाइनबाट दरखास्त पेश गर्न पाउने गृह मन्त्रालयले जनाएको छ। सामाजिक सुरक्षा र व्यक्तिगत घटना दर्ता प्रणाली सुदृढीकरण आयोजना अन्तर्गत देशैभरका ७५३ वटा स्थानीय तहमा सेवा इकाइका लागि कर्मचारी माग गरिएको हो।

एमआईएस अपरेटर र फिल्ड सहायक पदमा खुला प्रतिस्पर्धाबाट करारमा कर्मचारी राख्ने गृहले मंगलबार गोरखापत्रमा निकालेको सूचनामा उल्लेख छ। दरखास्तका लागि १५ दिनको समय दिइएको छ।

विस्तृत विवरणका लागि तलको विज्ञापन हेर्नुहोस्,