दुई वर्षीया बालिकाको योनीमा कपडा कोचेर हत्या प्रयास

दुई वर्षीया बालिकाको योनीमा कपडा छिराएर मार्ने प्रयास गरेको अभियोगमा बाराबाट एक जना महिलालाई प्रहरीले पक्राउ गरेको छ।

महागढीमाई नगरपालिका १ की दुई वर्षीया बालिकाको योनीमा कपडा छिराएर मार्ने प्रयास गरेको अभियोगमा सोही ठाउँकी ४० वर्षीया कलावतीदेवी गिरीलाई प्रहरीले शुक्रबार पक्राउ गरेको हो।

गिरीले बालिकालाई बिहीबार झन्डै २ बजे खेलिरहेको अवस्थामा घरअगाडिबाट उठाएर एकान्त ठाउँमा पुर्‍याइ प्लास्टिकको डोरीले दुबै हात बाँधेर मुख तथा योनीमा कपडाको टुक्रा कोचेर घरअगाडि फालिदिएकी अनुसन्धानमा खुलेको छ।

बालिकाको कलैया अस्पतालमा उपचार भइरहेको छ । उनको अवस्था सामान्य रहेको प्रहरीले जनाएकाे छ । पारिवारिक ‘रिसिइबी’ साँध्न उनले बालिकालाई मार्न खोजेको अनुसन्धानमा खुलेको छ।

प्रहरीले जबरजस्तीकरणी र ज्यान मार्ने उद्योगमा उनीमाथि अनुसन्धान थालेको छ । ‘जिल्ला अदालतबाट ५ दिनको म्याद थप गरी हिरासत राखिएको प्रहरीले जनाएको छ।