मादक पदार्थ सेवन गरी किशोरीलाई बलात्कार गर्न खोजेकाे अभियाेगमा एक पक्राउ

मकवानपुर प्रहरीले मादक पदार्थ सेवन गरी किशोरीलाई बलात्कार गर्न खोजेकाे अभियाेगमा एकजनालाइ पक्राउ गरेकाे छ ।

भीमफेदी गाउँपालिका–४ का ३२ वर्षीय नवीन स्याङतानले सोही वडाका १५ वर्षीय किशोरीलाई सोमबार राति करीब ११ बजेतिर मादक पदार्थ सेवन गरी  जबर्जस्ती बलात्कारको प्रयास गरेका थिए ।

पीडित परिवारका अनुसार परिवारसहित घरमा सुतिरहेको अवस्थामा स्याङतान त्यहाँ पुगेर किशोरीलाई जबर्जस्ती गर्न खोजेपछि स्थानीय बासिन्दाले प्रहरीलाई खबर गरेका थिए ।

प्रहरीले स्याङतानलाइ पक्राउ  गरी भीमफेदी प्रहरी चौकीबाट जिल्ला प्रहरी कार्यलय हेटौँडामा आवश्यक कारवाहीका लागि पठाइएको छ ।

यसैबीच माइती नेपाल मकवानपुरकी कार्यक्रम संयोजक माया लामाले पनि सो घटनाको प्रकृतिअनुसार स्याङतानलाई कडा कारवाही हुनुपर्ने माग गर्नुभएको छ ।