विवाहकाे प्रलोभन देखाइ १४ वर्षीया बालिकालाई जबरजस्ती करणी गर्ने एक जना पक्राउ

१४ वर्षीया बालिकालाई विवाह गर्छु भनी विभिन्न प्रलोभनमा पारेर जबरजस्ती करणी गर्ने एक जनालाई ललितपुर प्रहरीले पक्राउ गरेको छ ।

डडेल्धुरा घर भई हाल ललितपुर महालक्ष्मी नगरपालिका–६ सानागाउँ डेरा गरी बस्ने वर्ष १९ को विरेन्द्र कोलीलाई प्रहरीले पक्राउ गरेको हाे ।१४ वर्षीया बालिका जेठ ३२ गते देखि हराएको र परिवारले प्रहरीमा जाहेरी दिएको आधारमा प्रहरीले खोजी गर्ने क्रममा कोलीको कोठाबाट उद्धार गरिएको प्रहरीले जनाएकाे छ ।

उद्धार गरेपछि पीडित बालिकाले बिबाह गर्छु भनी वीरेन्द्रले प्रलोभनमा पारेर कोठामा ल्याएर जबरजस्ती करणी गरेको प्रहरी समक्ष बयान दिएकी थिइन् ।

यस सम्बन्धमा थप अनुसन्धान भइरहेको प्रहरीले जनाएको छ ।