११ वर्षकी बालिकालाई पटक–पटक बलात्कार गरेकाे अभियोगमा एक पक्राउ

११ वर्षकी बालिकालाई पटक–पटक जबर्जस्ती करणी गरी फरार रहेकारहेका तीन जनामध्ये एक जनालाई प्रहरीले पक्राउ गरेको छ ।

पक्राउ पर्नेमा गुल्मीका सत्यवती गाउँपालिका जोहाङ्ग खैरेनीका ५५ वर्षीय शिव श्रेष्ठ रहेका छन् । उनलाई पश्चिम नवलपरासी प्रहरीले गुल्मीबाट  पक्राउ गरेको हो

प्रहरीले उनलाइ गुल्मीस्थित आफ्नै घरबाट पक्राउ गरेको जनाएको छ । पक्राउ परेका श्रेष्ठलाई जबर्जस्ती करणीअन्तर्गतको मुद्दामा म्याद थप गरी अनुसन्धान थालिएको छ ।

यसअघि सुनुवलबाटै ६० वर्षीय नारायण श्रेष्ठ र ४१ वर्षीय लोकबहादुर खत्रीलाई प्रहरीले पक्राउ गरेरजवरजस्ती करणीमा मुद्धा दर्ता गरिसकेको छ ।

बालिकाका आमाबुबा घरमा नभएको मौका छोपी उनीहरुले डेढ महीनादेखि ती बालिकालाई पटक–पटक जबर्जस्ती करणी गर्दै आएका थिए ।