महिलालाई यौन दुर्व्यवहार गरेको आरोपमा एक पक्राउ

महानगरिय प्रहरी वृत्त सातदोबाटोले महिलालाई यौन दुर्व्यवहार गरेको आरोपमा एक युवकलाई पक्राउ गरेकाे छ ।

पक्राउ पर्नेमा कालीकोट खडाचक्र स्थायी घरभई हाल ललितपुर महानगरिपालिका वडा नं १५ सातदोबाटोमा बस्दै आएका दत्तबहादुर शाही रहेका छन् ।

शाहीले २२ वर्षीया एक महिलालाई चिया खान जाउ भन्दै आफ्नो कोठामा लगि कोठाको चुकुल लगाएर यौन दुव्र्यवहार गरेको पिडित महिलाको भनाई छ । शाहीले दुर्व्यवहार गरेपछि पीडित महिला भागेर महानगरिय प्रहरी वृत्त सातदोबाटोलाई जानकारी गराएकी थिइन् ।

प्रहरीलाई जानकारी प्राप्त हुनसाथ असोज २७ गते राती ११ बजे शाहीको कोठामा प्रहरी गइ शाहीलाई तत्कालै नियन्त्रणमा लिइएको वृत्त प्रमुख डिएसपी गौतम मिश्रले जानकारी दिए ।

शाहीलाई यौन दुर्व्यवहारमा म्याद थप गरी आवश्यक अनुसन्धान गरिरहेको वृत्त प्रमुख मिश्रको भनाई छ ।