सुस्त मनस्थिति भएकी किशाेरीलाई जर्बजस्ती करणी गरेकाे अभियोगमा एक युवक पक्राउ

रामेछापमा सुस्त मनस्थिति भएकी किशाेरीलाई जबर्जस्ती करणी गरेको अभियोगमा प्रहरीले एक युवकलाई पक्राउ गरेकाे छ ।

पक्राउ पर्नेमा मन्थली नगरपालिका वडा नम्बर-७, ओढारे बस्ने २८ वर्षीय पदमबहादुर माझी रहेका छन् । उनले आइतबार राति घर नजिकैकी छिमेकी १७ वर्षीया युवतीलाई घरमा सुतिरहेको अवस्थामा जबर्जस्ती करणी गरेकाे प्रहरीले जनाएकाे छ ।

जबर्जस्ती गर्ने क्रममा किशाेरी चिच्याएपछि फरार रहेका माझीलाई प्रहरीले सोमबार दिउँसो मन्थली नगरपालिका वडा नम्बर-१, रणजोर खोलाबाट पक्राउ गरेको हाे ।

पक्राउ परेका माझीलाई जबर्जस्ती करणी अन्तर्गत मुद्धा दर्ता गरी म्याद थप गरेर अनुसन्धान गरिरहेको प्रहरीले जनाएकाे छ ।