१० रुपैंयाँ दिएर १५ वर्षीया सुस्त मनस्थितिकी किशोरीमाथि बलात्कार

केन्द्रीय अनुसन्धान ब्यूरोको टोलीले १० रुपैंयाँ दिएर एक १५ वर्षीया सुस्त मनस्थितिकी किशोरीको बलात्कार मुद्दामा फरार अभियुक्तलाई पक्राउ गरेकाे छ ।

पक्राउ पर्नेमा ओखलढुंगाको सिंहदेवी गाविस घर भई भक्तपुरको सिपाडोल–६ बस्ने पूर्णबहादुर खड्का रहेका छन् । उच्च अदालत पाटनको २०७५ कात्तिक २७ गतेको फैसलाले २ वर्ष ६ महिनाको कैद सजाय पाएका खड्कालाई ब्यूरोको टोलीले बिहीबार भक्तपुरको सूर्यबिनायकबाट पक्राउ गरेकाे हाे ।

प्रहरीका अनुसार ०७२ फागुन २१ गते खड्काले भक्तपुर जगातेकी १५ वर्षीया किशोरीलाई १० रुपैयाँ दिएर फकाउँदै सूर्यबिनायक नगरपालिका–६ स्थित आफ्नो कोठामा लगेर बलात्कार गरेका थिए ।

उनलाई जिल्ला अदालत भक्तपुरमार्फत डिल्लीबजार कारागार पठाइएको ब्यूरोले जनाएको छ ।