छुट्टाछुट्टै सवारी दुर्घटनामा सातको मृत्यु
कैलाली, अर्घाखाँची, सप्तरी, ललितपुर र नवलपरासी (पूर्व) मा भएका छुट्टाछुट्टै सवारी दुर्घटनामा ७ जनाको मृत्यु भएको छ ।
कैलाली, गोदावरी नगरपालिका-७ स्थित हरैया चोकमा से.१ च १६९० नम्बरको पिकअप जिपले से.६ प ८०५२ नम्बरको मोटरसाइकललाई र साइकललाई ठक्कर दिँदा गम्भीर घाइते भएका साईकल चालक सोही नगरपालिका-६ लालपुर बस्ने २० वर्षीय दिपेन्द्र चोखालको मृत्यु भएको छ ।
सोही दुर्घटनाका घाइते भएका अन्य ३ जनाको पदमा अस्पताल अत्तरियामा उपचार भइरहेको छ ।
अर्घाखाँची, शितगंगा नगरपालिका-६ फुर्सामाटास्थित सडकमा ग.१ ज ४८७६ नम्बरको जिप अनियन्त्रित भई सोमबार बेलुका दुर्घटना हुँदा कपिलबस्तु शिबराज नगरपालिका-५ बस्ने १८ वर्षीया सिता उपाध्यायको मृत्यु भएको छ ।
चालकलाई प्रहरीले नियन्त्रणमा लिएको छ ।
सप्तरी, खड्क नगरपालिका-७ स्थित सडकमा बा.६५ प १३१ नम्बरको मोटरसाइकलले २ वटा साइकललाई सोमबार बेलुका ठक्कर दिँदा गम्भीर घाइते भएका साइकल चालक शम्भुनाथ नगरपालिका-८ बस्ने ६५ वर्षीय हरिहर मण्डलको मृत्यु भएको छ ।
दुर्घटनामा घाइते भएका मोटरसाइकल चालक २३ वर्षीय सन्तोष कुमार साहको सप्तऋषि अस्पतालमा र साइकल चालक सोही नगरपालिका-८ बस्ने २७ वर्षीय राजेश चौधरीको एडभान्स अस्पताल कल्याणपुरमा उपचार भइरहेको छ ।
मोटरसाइकललाई प्रहरीले नियन्त्रणमा लिएको छ ।
ललितपुर, बागमती गाउँपालिका-३ नयाँगाउँस्थित सडकमा बा.५ च ५६९६ नम्बरको गाडी आनियन्त्रित भई सडकबाट करिब ३ सय मिटर तल खसेर सोमबार बेलुका दुर्घटना हुँदा गाडी चालक भट्टेडाँडा बस्ने महोत्तरी घर भएका १९ वर्षीय विशाल मगरको घटनास्थलमै मृत्यु भएको छ ।
साथै दुर्घटनामा गम्भीर घाइते भएकी सोही ठाउँ बस्ने १७ वर्षीय सुनिता लोप्चन र २८ वर्षीया सरिता मोक्तानको आनन्द वन अस्पताल टिकाभैरवमा उपचारको क्रममा मृत्यु भएको छ । अर्का घाइते सोही ठाउँ बस्ने मकवानपुर घर भएका १९ वर्षीय रमेश खुपुङ तामाङलाई आनन्द वन अस्पताल टिकाभैरव हुँदै थप उपचारको लागि पाटन अस्पताल रिफर गरिएको छ ।
नवलपरासी (पूर्व), बिनयीत्रिबेणी गाउँपालिका-२ स्थित पूर्बपश्चिम राजमार्गमा भारतीय युपी.३१ टि २९४७ नम्बरको ट्रक अनियन्त्रित भई सोमबार राति दुर्घटना हुँदा गम्भीर घाइते भएका ट्रकमा सवार हाल नाम, थर, वतन नखुलेका १७ वर्षीय पुरुषको मृत्यु भएको छ ।
ट्रक चालक फरार रहेकोले प्रहरीले खोजी गरिरहेको छ ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
अरु समाचार
पाल्पा बस दुर्घटना, छ जना मृतकको सनाखत
पाल्पा बस दुर्घटनाका छ मृतकको सनाखत भएको छ । सात जनामध्ये एक जनाको ...
मोटरसाइकल अनियन्त्रित हुँदा चालकको मृत्यु
सुनसरी रामधुनी नगरपालिका-६ कान्छिचौक–चतरा सडक खण्डको सुनसरी खोला पु...
बस दुर्घटनामा २ जनाको मृत्यु, ३५ जना घाइते
सुनकोशी गाउँपालिका-३ छापागाउँस्थित सडकमा बा.३ ख ८०३० नम्बरको बस आफै...
मोटरसाइकलको ठक्करबाट पदैल यात्रीको मृत्यु
उदयपुर बेलका नगरपालिका ५ गलेनी स्थितमा पुर्वतर्फ जादै गरेको प्रदेश ...
रोकी राखेको टेम्पोमा रुख ढलेर एक जनाको मृत...
उदयपुर उदयपुरगढी गाऊपालिका ७ अधेरी स्थितमा रोकी राखेको टेम्पोमा सखु...
सुमो दुर्घटनामा चालकको मृत्यु तथा ४ जना घाइते
मकवानपुरको ईन्द्रसरोबर गाउँपालिका-२ सिमखोलास्थित सडकमा ना.१ ज २११४...
ट्याक्टर र टेम्पो ठोकिँदा दुईको मृत्यु
झापाको भद्रपुरमा भएको सवारी दुर्घटनामा परी आज दुई जनाले ज्यान गुमाए...
ट्रकको ठक्करबाट स्कुटर चालकको मृत्यु
चन्द्रागिरी नगरपालिका-१२ गुर्जुधारास्थित सडकमा ना.८ ख १९८९ नम्बरको ...