जिल्लाको मदाने गाउँपालिका–२, बाझकटेरीमा तु३त ५३०९ नम्बरको ट्याक्टरको ठक्करबाट ९ वर्षीया एलिसा केसीको मृत्यु भएको जिल्ला प्रहरी कार्यालय गुल्मीले जनाएको छ ।
आइतवार साँझ स्कुलबाट घरमा फर्कने क्रममा ट्याक्टरको ठक्करबाट बालिका घाइते भएकी थिइन् । उपचारका लागि तम्घास अस्पतालमा लगिएकोमा गएराति उपचारको क्रममा मृत्यु भएको जिल्ला प्रहरी कार्यालय, गुल्मीका प्रहरी उपरीक्षक (एसपी) दीपककुमार बस्नेतले जानकारी दिए ।
स्थानिय बाझकटेरी माध्यमिक विद्यालयमा कक्षा ३ मा अध्ययनरत केसी गौमुखी गाउँपालिका–५, प्यूठानकी हुन् ।
प्रहरीले ठक्कर दिने ट्याक्टर चालकलाई नियन्त्रणमा लिएर अनुसन्धान गरिरहेको छ ।
