शान्ति स्थापनाका लागि खटिएका सशस्त्र प्रहरीको टोली स्वदेश फर्कियो

संयुक्त राष्ट्रसंघको अनुरोधमा शान्ति स्थापनाका लागि खटिएका सशस्त्र प्रहरी बलको एक टोली कार्यकाल पुरा गरेर स्वदेश फर्किएको छ ।

सफलता पूर्वक फर्किएका टोलीलाई सशस्त्र प्रहरी अतिरिक्त महानिरीक्षक रामशरण पौडेलले शुक्रबार एक कार्यक्रमका बीच स्वागत गर्नुभयो ।

स्वागत कार्यक्रममा बोल्दै महानिरीक्षक पौडेलले समस्या ग्रस्त मुलुकमा शान्ति स्थापना गर्ने कार्यमा टोलीले पुर्याएको योगदानले अन्तर्राष्ट्रियस्तरमा राष्ट्र र संगठनको शिर उच्च बनाउन मद्दत पुगेको बताउनु भयो । साथै स्वदेश फर्किएपछि समेत आफ्नो पदीय दायित्व अनुसार कार्यक्षेत्रमा उत्कृष्ट कार्य गर्न प्रयत्नशिल रहन सबैमा आग्रह गर्नुभयो ।

उहाँले (यूएन) मिसनमा विभिन्न देशका सुरक्षाकर्मीहरुसँग सहकार्य गर्दै प्राप्त जिम्मेवारी निर्वाह गर्ने क्रममा हासिल गरेको ज्ञान र अनुभवलाई स्वदेश फर्किएपछि राष्ट्र र संगठनको हितमा उपयोग गर्न समेत आग्रह गर्नुभयो ।

गत बर्ष गएको सशस्त्र प्रहरी बलको टोली एक बर्षसम्म युनाइटेड् नेशन्स मिसन इन साउथ सुडानमा फम्र्ड पुलिस युनिट (एफपीयु)को रुपमा खटिएको थियो ।

नायव उपरीक्षक खुमबहादुर के.सी.को कमाण्डमा स्वदेश फर्किएको टोलीमा एपीएफ अधिकृत, विल्लादार तथा जवानसहित ४६ जना रहनु भएको छ ।