बुधबार, जेठ २, २०८१
किशोरीलाई जबर्जस्ती करणी गरेको आराेपमा एक पक्राउ

किशोरीलाई जबर्जस्ती करणी गरेको आराेपमा एक पक्राउ

अपराध खबर
काभ्रेपलाञ्चोक, वैशाख,११

१५ वर्षे किशोरीलाई बलात्कार गरेको आराेपमा काभ्रेबाट प्रहरीले एकजनालाई पक्राउ गरेकाे छ ।

आफन्तको छोरी घरमा आएको मौका पारी गत चैत २९ गते राति एक्लै सुतिरहेको अवस्थामा जबर्जस्ती करणी गर्ने रोपमा मण्डन देउपुर नगरपालिका-३ नयाँगाउँका १९ वर्षीय राज बजगाईंलाई मङ्गलबार राति उनकै घरबाट प्रहरीले पक्राउ गरेकाे हाे ।

बनेपा घर भएकी किशोरीको आफन्तको किटानी जाहेरीका आधारमा प्रहरीले बजगाईंलाई पक्राउ गरी घटनाको अनुसन्धान गरीरहेको छ ।

मुलुकी संहितामा आरोपितलाई जबर्जस्तीकरणी कसुरअनुसार १२ देखि १४ वर्षसम्म कैद सजाए हुने प्रावधान छ ।

Facebook Comments
प्रकाशित मिति : बुधबार, बैशाख ११, २०७६ ११:१४:५३
Facebook Comment

अरु समाचार

©crimenewsnepal 2018 - All Right Reserved.