अस्पताल बाहिर बसेर बिचौलियाको काम गरेको अभियोगमा २ पक्राउ

जनकपुर अञ्चल अस्पताल बाहिर बसेर बिचौलियाको काम गरेको अभियोगमा २ जनालाइ प्रहरीले पक्राउ गरेको छ ।

जनकपुर उपमहानगरपालिका-१० जनकपुरधामस्थित जनकपुर अञ्चल अस्पताल बाहिरको परिसरमा बिचौलियाको काम गरेको अभियोगमा सिरहा नगरपालिका-११ घर भएका हाल जनकपुर वस्ने २५ वर्षीय संजय कामती र सोही उपमहानगरपालिका-१० बस्ने ३५ बर्षीय मनोज यादवलाई आईतबार प्रहरीले पक्राउ गरेको हाे ।

उक्त अस्पतालको परिसर बाहिर बसेर उपचारको लागि आउने बिरामीहरुका आफन्तलाई बिच बाटोमा रोकी जबरजस्ती अन्यन्त्र क्लिनिकमा लैजान लगाई कमिसन लिने तथा बिरामी र बिरामीको आफन्तलाई अनावश्यक दु:ख दिने गरको सूचनाको आधारमा जिल्ला प्रहरी कार्यालय धनुषाबाट खटिएको प्रहरीले उनीहरुलाई पक्राउ गरेको हो ।