हस्पिटलको शौचालयभित्र झुन्डिएको अवस्थामा भेटियो नर्सको शव

धनुषा जिल्लामा रहेको जानकी हेल्थ केयर एण्ड टिचिङ्ग हस्पिटलमा कार्यरत एक नर्सको शव झुन्डिएको अवस्थामा फेला परेको छ ।

आइतबार बिहान हस्पिटल परिसरभित्रको शौचालयमा झुन्डिएको अवस्थामा महोत्तरीको गौशाला नगरपालिका स्थित रामनगरकी २४ वर्षीया रक्षा आलेको शव फेला फेला परेको हो ।

रक्षा आलेले लगभग रातको १ बजे तिर शौचालय भित्रैबाट ढोका बन्द गरी पासो लगाएकी धनुषा प्रहरी कार्यलयाले जनाएको छ । रक्षा आले हेल्थ केयर एंड रिसर्च सेंटरमा अनमी पोस्टमा ११ महीनादेखी कार्यरत थिइन् ।

प्रहरीका अनुसार मुचुल्का उठाइ शव पोस्टमार्टमका लागि जनकपुर अञ्चल अस्पताल लगिएको छ ।

उक्त हस्पिटल स्वास्थ राज्यमन्त्री डा.सुरेन्द्र कुमार यादवको हो ।