अपराध अनुसन्धान तथा अभियोजनमा नियत सफा राखेर काम गर्न आईजीपीकाे निर्देशन
प्रहरी महानिरीक्षक (आईजीपी) सर्वेन्द्र खनालले निष्पक्ष, बैज्ञानिक, तथ्यपरक एवं प्रमाणमुखी अनुसन्धानका माध्यमबाट आम नागरिकहरुलाई कानुनी शासनको प्रत्याभूति दिलाउनु पर्ने बताउनुभएको छ ।
‘सुदृढ फौजदारी न्याय प्रशासनको आधार, अनुसन्धानकर्ता र अभियोजनकर्ताको सरोकार’ भन्ने मुल नाराका साथ शुरु भएको प्रदेश १ र २ का अनुसन्धानकर्ता प्रहरी र अभियोजनकर्ता सरकारी वकलहरुको दोस्रो प्रादेशिक सम्मेलनको शुक्रबार जनकपुरधाममा उद्घाटन गर्दै प्रहरी प्रमुख खनालले उक्त कुरा बताउनुभएको हो ।
सरकारी वकिलहरुको कानुनी विज्ञता र मेडिको लिगल अफिसर (चिकित्सक) हरुको विषयगत दक्षता सफल अनुसन्धानको महत्वपुर्ण पक्ष भएकोले अनुसन्धानकर्ता प्रहरीहरुले सोको उचित प्रयोग गर्नुपर्नेमा जोड दिदै प्रहरी महानिरीक्षक खनालले लामो समयदेखि पेण्डिङ्ग रहेको मुद्दाहरुको अनुसन्धानलाई तिव्रता दिनुपर्ने बताउनुभयो ।
नेपाल प्रहरीले समुदाय-प्रहरी साझेदारी मार्फत समाजमा शान्ति स्थापना तथा अपराध नियन्त्रण गर्न समुदायसँग सहकार्यमा विभिन्न सामाजिक कार्यक्रम गरिरहेको चर्चा गर्दै प्रहरी महानिरीक्षक खनालले यसमा अभियोजनकर्ता सरकारी वकिलहरु तथा संचारकर्मीको पनि साथ भएमा अपेक्षित उपलब्धी हासिल गर्न सकिने बताउनुभयो ।
अपराध नियन्त्रण तथा अभियोजमा कानुनी कठोरता र विवेकपूर्ण निर्ममता अपनाउनुपर्ने उल्लेख गर्दै प्रहरी महानिरीक्षक खनालले भन्नुभयो, “अपराध अनुसन्धान तथा अभियोजनमा नियत सफा राखेर कुनै सहुलियत नलिई काम गर्नुस् । ”
अपराध नियन्त्रण तथा अनुसन्धानको लागि नेपाल प्रहरीले टोल फ्रि नम्बर ११७७ प्रयोगमा ल्याएको बताउँदै धेरै वर्षको प्रयासपछि नेपाल प्रहरीले साइबर ब्यूरो तथा मानव बेचबिखन अनुसन्धान ब्यूरो स्थापना गर्न सफल भएको समेत उहाँले जानकारी गराउनुभयो ।
प्रहरी प्रधान कार्यालयको आयोजना तथा महान्यायाधिवक्ताको कार्यालय रामशाहपथ काठमाडौंको सहकार्यमा प्रदेश नम्बर १ र प्रदेश २ का अनुसन्धानकर्ता प्रहरी र अभियोजनकर्ता सरकारी वकिलहरुको सहभागितामा उक्त दोस्रो प्रादेशिक सम्मेलन शुरु भएको हो ।
शनिबार सम्पन्न हुने सम्मेलनमा उच्च सरकारी वकिल कार्यालय विराटनगर, वीरगंजका सह-न्यायाधिवक्ताहरु, बिज्ञ, चिकित्सक, संचारकर्मी लगायतको उपस्थिति रहेको छ ।
अरु समाचार
कमाण्डो तालिमको दिक्षान्त समारोह
नेपाल प्रहरी युक्ति तालिम महाविद्यालय जर्गाह नवलपरासी पश्चिममा संचा...
करिब १२ किलो चरेशसहित २ जना पक्राउ
पर्सा, ९ चैत- वीरगंज महानगरपालिका- ८ घण्टाघरस्थित नारायणी गेष्ट हाउ...
एआइजी किरण जसले सिआइबीको साँख शिखरमा पुराइन्
काठमाडाैं पुस २६ नेपाल प्रहरीको एसपी हुदाँ किरण बज्राचार्य सिआइबीमा...
लागूऔषध गाँजा मिसाई केक तथा कुकिज तयार गर्...
अवैध लागूऔषध गाँजा मिसाई केक तथा कुकिज तयार गर्ने कार्यमा संलग्न २ ...
किन समातिए रामबहादुर बम्जन
यौन सन्तुष्टी प्राप्त गर्ने तथा बाल यौन शोषण गरेको मुद्दामा फरार रह...
नक्कली आइडी बनाई अश्लिल फोटो तथा भिडियो रा...
सामाजिक सञ्जाल फेसबुकमा नक्कली आइडी बनाई अश्लिल फोटो तथा भिडियो राख...
साईबर व्यूरोको काठमाडौं सामाखुशीमा यस्तो ब...
नेपाल प्रहरी प्रधान कार्यालय साईबर व्यूरोको काठमाडौं सामाखुशीमा निर...
ट्राफिक प्रहरीको लापसे चेकिङ : ३ जना चालक ...
काठमाडौंको किर्तिपुर स्थित चोभारमा शुक्रबार गरिएको चेकिङका क्रममा ल...