शिक्षक बनाइदिन्छु भन्दै ६१ लाख रुपैयाँ ठगी गर्ने प्रधानाध्यापक पक्राउ

जिल्ला प्रहरी कार्यालय बाराले २० जनालाई शिक्षक बनाइदिन्छु भन्दै ६१ लाख रुपैयाँ ठगी गर्ने प्रधानाध्यापकलाई पक्राउ गरेकाे छ ।

प्रहरीले बारा जितपुर सिमरा उपमहानगरपालिका–स्थित सामुदायिक प्राथमिक विद्यालय सगरदिनाका प्रधानाध्यापक ४३ वर्षीय अनिल कुमार ठाकुरलाई पक्राउ गरेकाे हाे ।

ठाकुरले पर्सा र रौतहटका जिल्लाका २० जनालाई शिक्षक बनाइदिने भन्दै प्रतिव्याक्ति २ लाख देखी ५ लाखसम्म लिएको अनुसन्धानमा खुलेको छ । उनले रकम लिएका व्यक्तिलाई नक्कली नियुक्तिपत्र समेत प्रदान गर्दै आएको खुलेको छ ।

बारा जिल्ला अदालतबाट सात दिनको म्याद थप गरी अनुसन्धान प्रक्रिया अगाडि बढाइएको प्रहरीले जनाएकाे छ ।