सिरिन्ज आक्रमणमा संलग्न रहेको आशंकामा बनेपाबाट एक पक्राउ

जिल्ला प्रहरी कार्यालय काभ्रेले सिरिन्ज आक्रमणमा संलग्न रहेको आशंकामा एकजनालाई पक्राउ गरेको छ  ।

प्रहरीले बनेपास्थित चार दोबाटो भन्ने स्थानबाट सोमबार दिउँसो स्याङ्जाका खगेन्द्र प्रसाद पाठकलाई पक्राउ गरेकाे हाे ।उनी लोकसेवा आयोगको परीक्षा तयारीका क्रममा काभ्रेमा बस्दै आएका थिए ।

काभ्रेमा दुई साताअघि एक युवतीले आफूमाथि सिरिन्ज आक्रमण भएको भन्दै प्रहरीले उजुरी दिएकी थिइन् ।

सिरिन्ज आक्रमण गराउन खोज्नेलाई कारबाही माग गर्दै स्थानीयले इलाका प्रहरी कार्यालय बनेपामा घेराउ गरेका छन्।

जिल्ला प्रहरी कार्यालयले सिरिन्ज आक्रमण गराउन खोज्ने ती व्यक्तिलाई पक्राउ गरी अनुसन्धान थालिएको बताएको छ।