सुनसरीमा बसको ढोका थुनेर पाँच जनाद्वारा युवतीमाथि सामूहिक बलात्कार

सुनसरीमा सोमबार मध्यरातमा यात्रुबाहक बसको ढोका थुनेर पाँच जनाले एक युवतीमाथि सामूहिक बलात्कार गरेका छन ।

इटहरीको धरान विराटनगर सडक खण्डको साथी पेट्रोल पम्प नजिक बसको ढोका थुनेर धरान घर भएकी युवतीलाई बस भित्रै पाँच जनाले सामूहिक बलात्कार गरेका हुन् ।

धरानबाट को१ख ४६२७ नम्बरको यात्रुबाहक बसमा विराटनगरतर्फ आउने क्रममा बसमा चढेकी युवतीलाई बसका चालक, सहचालक र सहयोगीहरुले सामूहिक बलात्कार गरेका हुन् ।

प्रहरीले घटनामा संलग्न रहेको आरोपमा सुन्दर हरैंचा नगरपालिका-१२ का चालक विकास कसाई, झापा सुरुङ्गा नगरपालिका-४ का सुरज थापा, सिरहा लहान नगरपालिका-४ का सुरेन्द्र भुलेज, बेलबारी नगरपालिका-७ का आशिष कार्कीलाई पक्राउ गरेकाे छ । उनीहरूलाई घटना भएको केही समयमै पक्राउ गरेको इलाका प्रहरी कार्यालय इटहरीले जनाएकाे छ ।

घटनामा संलग्न रहेको बेलबारीका नितेश घिमिरे  फरार रहेको प्रहरीले जनाएको छ ।

इलाका प्रहरी कार्यलय इटहरीका डिएसपी धर्मराज भण्डारीले मध्यरातमा बलात्कार भएको घट्ना सुने लगातै प्रहरी परिचलान भएको कारण अपराधि पक्राउ परेको बताए । हामी अहिले घट्नाको अनुसन्धानकै क्रममा छौ उनले भने ।

पिडित युवतीको स्वास्थ्य अवस्था सामान्य रहेको प्रहरीले जनाएको  छ ।