उपत्यकामा लकडाउन उल्लघंन गर्ने १५ सय जना नियन्त्रणमा

कोरोना भाइरसको जोखिम बढेपछि अत्यावश्यक कामबाहेक बाहिर ननिस्किन सरकारले जारी गरेको आदेश उल्लंघन गर्ने १५ सय ३६ जनालाई प्रहरीले नियन्त्रणमा लिएको छ ।

उपत्यकाका विभिन्न स्थानबाट सोमबार विहान विहान ६ बजे देखि दिउँसो ५ बजे सम्म उक्त संख्यामा नियन्त्रणमा लिइएको प्रहरीले जानकारी दिएको छ । यसैगरी प्रहरीले ६ सय ६२ वटा सवारी साधनलाई पनि नियन्त्रणमा लिएको जनाएको छ ।

काठमाण्डौमा सबै भन्दा बढी १४ सय ३१ जनालाई नियन्त्रणमा लिएको छ । यसै गरी ललितपुरबाट ६९  र भक्तपुरमा ३६ जनालाई नियन्त्रणमा लिइएको छ ।

कोभिड–१९ को विश्वव्यापी महामारी फैलिएपछि नेपालमा हुने सम्भावित जोखिम रोक्न सरकारले यही चैत ११ गते बिहान ६ बजेदेखि लागू हुने गरी देश व्यापी रूपमा लकडाउनको आदेश जारी गरेकाले उल्लघन गर्नेलाई नियन्त्रणमा लिई ३ घण्टा कोरोनाको बारेमा शिक्षा दिने र छाड्ने गरिएको महानगरीय प्रहरी कार्यालयका प्रमुख प्रहरी नायव महानिरीक्षक विश्वराज पोखरेलले जानकारी दिए ।

कोभिड–१९ को विश्वव्यापी महामारी फैलिएपछि नेपालमा हुने सम्भावित जोखिम रोक्न सरकारले चैत ११ गतेदेखि लागू हुने गरी देशव्यापी रूपमा लकडाउनको आदेश जारी गरेको छ ।