काठमाडौंमा सेनाका कर्णेल सवार कारको ठक्करबाट मोटरसाइकल चालकको मृत्यु

काठमाडौंको रवीभवमा आज विहान नेपाली सेनाका लेफ्टिनेन्ट कर्णेलले चलाएको कारले मोटरसाइकललाई ठक्कर दिँदा एक जनाको मृत्यु भएको छ ।

कल‌ंकीबाट कालीमाटीतर्फ आइरहेकाे बा २१ च ४३४७ नम्बरको कारमा वपरित दिशाबाट गएको बा ७२ प ८१७२ नम्बरको मोटसरकाइल ठोक्किँदा मोटरसाइकल चालक मोरङ घर भएका २३ वर्षीय टीकाराज गेलालको मृत्यु भएको हाे ।

दुर्घटनामा गम्भिर घाइते भएका मोटरसाइकल चालककाे उपचारकाे क्रममा कलंकीस्थित नेशनल अस्पतालमा मृत्यु भएको प्रहरीले जनाएको छ ।

कालीमाटीबाट तीब्र गतिमा कलंकीतर्फ गएको मोटरसाइकल चालकले सन्तुलन गुमाउँदा विपरीत लेनमा गई कारसँग ठोक्किन पुगेको प्रहरीले जनाएको छ ।

प्रहरीले कारको चालक स्युचाटार बस्ने कर्नेल शेखर जबरालाई नियन्त्रणमा लिइ घटनाबारे अनुसन्धान सुरु गरेकाे छ ।