प्रहरी इन्काउन्टरमा मारिएका ‘गुन्डा नाइके’ मनोज पुनका सहयोगी पक्राउ

प्रहरी इन्काउन्टरमा मारिएका गुन्डा नाइके मनोज पुनलाई सहयोग गर्ने ५ जना पक्राउ परेका छन् ।

रुपन्देही प्रहरीले बुटवल ७ का उत्तम आचार्य, देवदहका लेखनाथ न्यौपाने, रोशन खड्का,तुल्सीराम न्यौपाने र हरि श्रेष्ठलाई पक्राउ गरेको हो
श्रेष्ठ व्यवसायी हुन् ।

पक्राउ परेकाहरुको पुनसँग सम्पर्क देखिएको एसपी श्याम ज्ञवालीले बताए। उनीहरुले मनोज पुनलाई सुचना दिने गरेको प्रहरीले जनाएको छ।

नेपालका ब्यवसायीहरुलाई पुनले चन्दा माग्ने र रकम लिन उनीहरुलाई पठाउने भेटिएको एसपी ज्ञवालीले बताए। पुन र सहयोगी सोम आले गत फागुन ९ गते प्रहरी ईन्काउन्टरमा मारिएका थिए।

देवदहका दुर्गा तिवारीको हत्यापछि हत्यामा संलग्न श्याम बहादुर गोङबे, शालिकराम चापागाई, पारस भट्टराई लगायत १८ जनालाई प्रहरीले यसअघि पक्राउ गरिसकेको छ।