सरुवा भएको ३ महिनामा नै काठमाडौंका एसएसपीलाई हटाउन लबिङ्ग

काठमाडौं प्रहरी परिसरका प्रमुख एसएसपी विश्वराज पोखरेललाई हटाउन लबिङ्ग शुरु भएको छ।  उनी काठमाडौं प्रहरी प्रमुख नियुक्त भएको ३ महिना मात्र पुगेको छ ।  उनलाई हटाउन प्रहरी भित्रको  समूह लागि परेको छ।

एसएसपी बसन्त लामा, हरी बहादुर पाल उनलाई हटाएर आफू काठमाडौं प्रहरी परिसरको प्रमुखमा आउन लागि परेका छन् । एसएसपी धीरजप्रताप सिंह पनि लागि परेको आइजिपीको सचिवालयले जनाएको छ।

लामा र पालले आइजिपी सर्बेन्द्र खनाललाई छुट्टाछुट्टै भेटेर काठमाडौं प्रहरी परिसरमा सरुवा गर्न आग्रह गरेका छन् । सिंहले भने असहयोग गरेको आरोप लगाउँदै आएका छन् ।

पाल राम्रा प्रहरी अधिकृतमा गनिन्छन भने लामाको छबि त्यति राम्रो छैन्।

तर प्रहरी प्रधान कार्यालयले भने तत्काल काठमाडौं प्रहरी परिसरका प्रमुख परिवर्तन नहुने जनाएको छ।