नेपाल आइडल विजेता बनेको खुशी साट्न नपाउँदै रवि ओडलाई मातृशोक, करेन्ट लागेर आमाको निधन

केही दिन अघि नेपाल आइडलको दोस्रो संस्करणका विजेता रवि ओडलाई मातृशोक परेको छ । रविकी आमाको करेन्ट लागेर निधन भएको हो ।  आज (बुधबार) बिहान  पानी तान्ने मोटर चलाउने क्रममा करेन्ट लागेर उनकी आमा ४५ वर्षीया विष्णा ओडको निधन भएको  हाे ।

करेन्ट लागेकी विष्णालाई  सेती अञ्चल अस्पतालले बाटोमै ल्याउदा  निधन भइसकेको  पुष्टि गरेका थियो  ।

रवि कञ्चनपुरमा आयोजित विभिन्न कार्यक्रममा सम्मान तथा अभिनन्दन समारोहमा उपस्थित  व्यवस्तताका कारण घर जान पाएका थिएनन् । रविलाई जन्मदिने आमाको यसअघि नै निधन भइसकेको थियो । कर्म दिने आमासँग हुर्केका रवि नेपाल आइडल विजेता बनेको खुशी साट्न नपाउँदै परिवारमा दुःखद घटना भएको छ ।