प्रहरीमा नयाँ भर्ना छनौट प्रक्रिया निष्पक्ष र पारदर्शी
नेपाल प्रहरीमा रिक्त रहका विभिन्न पदमा खुला प्रतियोगिताद्वारा पदपूर्ति गर्न संचालनमा रहेको छनौट प्रक्रिया थप निष्पक्ष र पारदर्शी रुपमा संचालन भइरहेको छ ।
नेपाल प्रहरीले दक्ष, सक्षम, निपूर्ण र शारीरिक रुपमा तन्दुरुस्त उम्मेदवार छनौटका लागि प्रहरी ऐन र नियमावलीको अधिनमा रही निष्पक्ष र पारदर्शी रुपमा छनौट गर्न जोड दिएको हो । यसका लागि प्रहरी प्रधान कार्यालय समेतबाट वरिष्ठ प्रहरी अधिकृतहरुको टोलीले स्थलगत निरीक्षण अवलोकन समेत गरिरहेको छ । छनौट प्रक्रिया लोक सेवा आयोग, स्थानीय प्रशासनका प्रतिनिधिहरु र परीक्षा बोर्डका पदाधिकारीबाट समेत प्रत्येक इभेन्टमा प्रत्यक्ष निरीक्षण हुँदै आएको छ ।
छनौट प्रक्रियालाई निष्पक्ष बनाउन भर्ना छनौट भइरहेका स्थानहरुमा विचौलियाको प्रवेशलाई पूर्णतया रोक लगाइएको छ । छनौट परीक्षामा खटिने प्रहरी कर्मचारीहरुलाई भर्ना छनौटका प्रक्रिया, ऐन नियमको पूर्ण रुपमा पालना गर्न कडा निर्देशन दिइएको छ । छनौटमा खटिने प्रहरी कर्मचारी कर्तव्यबाट च्युत नहुन, विचलित नहुन, निष्पक्ष जिम्मेवारी र दायित्व निर्वाह गर्न अभिप्रेरित गरिएको छ ।
नेपाल प्रहरीका केन्द्रीय प्रवक्ता/सूचना अधिकारी प्रहरी वरिष्ठ उपरीक्षक उत्तमराज सुवेदी भन्नुहुन्छ, “भर्ना छनौट प्रक्रिया नियाल्न छनौटस्थलमा सिसि टिभी राख्नुका साथै मूभी क्यामेरा प्रयोग गरी निग्रानी गर्ने गरिएको छ । परीक्षामा खटिने जो कोहीले पक्षपातपूर्ण काम गरेमा कडा कारवाही हुन्छ ।”
परीक्षार्थीलाई विचौलियाको लोभलालच र कुनै पनि प्रलोभनमा नपर्न परीक्षा केन्द्र वरिपरि सचेतनामूलक व्यानर टाँसेर सचेत समेत गराइएको छ । छनौटस्थल नजिकका शंकास्पद ठाउँमा सिभिल पोसाकमा प्रहरी समेत परिचालन गरिएको छ ।
पारदर्शीताका लागि प्रत्येक इभेन्ट सकिएपछि परीक्षाफल प्रकाशित गरिन्छ । एउटा इभेन्टमा असफल भएपछि अर्कोमा सहभागिता जनाउन पाइँदैन । प्रहरी वरिष्ठ उपरीक्षक सुवेदी भन्नुहुन्छ, “परीक्षामा असफल हुने प्रतिष्पर्धीहरुलाई सम्झाई बुझाई पठाइन्छ । असफल हुनुको तथ्यपरक कारण सहित फोटो, भिडियो समेत देखाई स्पष्ट जानकारी दिने गरिएको छ ।
नेपाल प्रहरीमा रिक्त रहेको प्रहरी निरीक्षक पदको विज्ञापन मार्फत दरखास्त दिएका उम्मेदवारहरूको लिखित परीक्षा सोमबार सम्पन्न भएको छ भने प्रहरी सहायक निरीक्षक पदको लिखित परिक्षा आगामी माघ ११ गतेदेखि संचालन हुँदैछ । साथै प्रहरी जवान पदमाको प्रारम्भिक स्वास्थ्य परीक्षण तथा शारीरिक तन्दुरुस्ती परीक्षा हाल प्रदेश प्रहरी तालिम केन्द्रहरु जनकपुर, दुधौली सिन्धुली, पोखरा, वुटवल, सुर्खेत हाल नेपालगंज, दिपायल र महानगरीय प्रहरी शिक्षालय महाराजगंज, काठमाडौंमा भइरहेको छ ।
अरु समाचार
कमाण्डो तालिमको दिक्षान्त समारोह
नेपाल प्रहरी युक्ति तालिम महाविद्यालय जर्गाह नवलपरासी पश्चिममा संचा...
करिब १२ किलो चरेशसहित २ जना पक्राउ
पर्सा, ९ चैत- वीरगंज महानगरपालिका- ८ घण्टाघरस्थित नारायणी गेष्ट हाउ...
एआइजी किरण जसले सिआइबीको साँख शिखरमा पुराइन्
काठमाडाैं पुस २६ नेपाल प्रहरीको एसपी हुदाँ किरण बज्राचार्य सिआइबीमा...
लागूऔषध गाँजा मिसाई केक तथा कुकिज तयार गर्...
अवैध लागूऔषध गाँजा मिसाई केक तथा कुकिज तयार गर्ने कार्यमा संलग्न २ ...
किन समातिए रामबहादुर बम्जन
यौन सन्तुष्टी प्राप्त गर्ने तथा बाल यौन शोषण गरेको मुद्दामा फरार रह...
नक्कली आइडी बनाई अश्लिल फोटो तथा भिडियो रा...
सामाजिक सञ्जाल फेसबुकमा नक्कली आइडी बनाई अश्लिल फोटो तथा भिडियो राख...
साईबर व्यूरोको काठमाडौं सामाखुशीमा यस्तो ब...
नेपाल प्रहरी प्रधान कार्यालय साईबर व्यूरोको काठमाडौं सामाखुशीमा निर...
ट्राफिक प्रहरीको लापसे चेकिङ : ३ जना चालक ...
काठमाडौंको किर्तिपुर स्थित चोभारमा शुक्रबार गरिएको चेकिङका क्रममा ल...