प्रसूति वार्डबाटै १३ दिनकाे नवजात शिशु चोरी ,दुई महिला पक्राउ

सुनसरीको धरानस्थित विपी कोइराला स्वास्थ्य विज्ञान प्रतिष्ठान, धरानबाट मध्यरातमा प्रसूति वार्डबाटै १३ दिनकाे नवजात शिशु चोरी भएको छ ।

प्रहरी र चिकित्सकको सक्रियताले चोरी भएको केही समयपछि नै बबिता मेहताको १३ दिने शिशु धरान १५ स्थित वगरकोटबाट फेला परेको थियो ।

बबिता र उनका कुरुवा भजित रोशन निदाएको मौका छोपी दुईजना महिलाले १३ दिनको नवजात शिशुको चाेरी गरेका थिए। चाेरी भएको थाहा पाउन साथ प्रहरीमा खबर गरेपछि शिशुको उद्धार गरिएको थियो ।  भने चाेरीमा संलग्न दुई महिलालाई समेत प्रहरीले पक्राउ गरेको छ ।

पक्राउ पर्नेमा धरान १५ माइती भई भारतको दिल्ली घर भएकी वर्ष २७ की लीला विक र उनकी भाउजू मीना लिम्बू (विक) रहेका छन् ।

लीलाका सन्तान नभएका कारण आफूले छोरा बनाई पाल्ने उद्देश्यले नवजात शिशुको अपहरण गरेको प्रहरीलाई बयान दिएकी छिन् ।