परिवारका सदस्यलाई कुटपिट गरी लाखौं लुटपाट

पूर्वी चितवनको राप्तीमा बुधबार बिहान चोरहरुको एक समूहले  एक परिवारका वृद्ध दम्पतीलाई कुटपिट गरी लाखाै रुपैयाँ भन्दाबढीको लुटपाट गरेको छ ।

राप्ती नगरपालिका-७ बस्ने ७६ वर्षीय ओम शर्मा पोखरेलको घरमा बिहान करिब २ बजेतिर दुईजनाको समूहले चोरी गर्ने क्रममा पोखरेल दम्पतीलाई आक्रमण गरेको हो।सो क्रममा पोखरेल र श्रीमती ६५ वर्षीया मनरुपा घाइते भएका छन्। उनीहरुको भरतपुर अस्पतालमा उपचार भइरहेको छ।

लुटेराले मनरुपाको कानको गहना लुट्ने क्रममा कानको लोती चुँडिएको छ। वृद्ध दम्पतीको साथबाट रिङ र सिक्री गरी करीब दुई तोला सुन लुटिएको प्रहरीले जनाएको छ।

पोखरेल दम्पतीको अवस्था खतरामुक्त रहेको र चोरी गर्ने समूहको खोजीकार्य भइरहेको प्रहरीले जनाएको छ।