सडकमा रोकी राखेको गाडीको टायर चोरी गर्दागर्दै एक युवक पक्राउ

पूर्वपश्चिम राजमार्ग अन्तरगत हटौंडा नगरपालिका–१५ स्थित बिग्रिएर सडकमा रोकेर राखिएको गाडीको टायर चोरी गर्दागर्दै एक जनालाई प्रहरीले पक्राउ गरेकाे छ ।

इलाका प्रहरी कार्यालय पशुपतिनगर मकवानपुरको टोलीले आइतबार राति ८ बजे टायर चोरी गर्दागर्दै चितवन खैरहनी नगरपालिका-१३ घर भएका २६ वर्षीय दिपेन्द्र भट्टराईलाई पक्राउ गरेकाे हाे ।

भट्टराईले राजमार्गमा बिग्रिएर रोकी राखेको एनएल०१डी ८०३१ नम्बरको भारतीय गाडीमा लिबर र ह्विल पाना प्रयोग गरी टायर चोर्न थालेका थिए।

पक्राउ परेका भट्टराई नजिकै रोकेर राखेको ना३ख ८०३६ नम्बरको गाडीका चालक भएको प्रहरीले जनाएको छ। प्रहरीले उनिमाथी अनुसन्धान सुरु गरेकाे छ ।