बेलायतमा भएको ३४ देशको सैन्य अभ्यासमा नेपाली सेना उत्कृष्ट

बेलायतमा भएको संयुक्त सैन्य अभ्यास ‘क्याब्रियन पट्रोल–२०१९’ मा नेपाली सेनाले स्वर्ण पदक जितेको छ । प्रमुख सेनानी अशिम देव गुरुङको नेतृत्वमा ६ असोजमा गएको टोलीले पदक जितेको हो ।

असोज २४ बाट बेलायतको वेल्स ब्रेकनमा सञ्चालन भएको ‘एक्सरसाइज क्याम्ब्रियन पेट्रोल २०१९’ मा नेपाली सेनाको टोलीले स्वर्ण पदक जितेको हो ।

उक्त अभ्यासमा बेलायती सेनाको तर्फबाट १०६ र नेपालसमेत अन्य ३४ देशका गरी १४० सैन्य टोलीको सहभागिता रहेको थियो । सैनिक प्रवक्ता विज्ञानदेव पाण्डेका अनुसारउक्त अभ्यासमा सबैभन्दा उत्कृष्ठ प्रदर्शन गर्दै सेनाले स्वर्ण पदक जितेको हो ।

सेनाले यो अभ्यासमा सन् २०१४ बाट भाग लिँदै आएको छ ।